मुल्यांकन तथा परीक्षण विधि
प्रस्तावहरुको मुल्यांकननिम्न विधि अनुसार गरिनेछ।
सिर्जनशीलता
प्रस्तावित परियोजनामा आधारभूत सेवाहरु पुर्याउने काममा देखापर्ने चुनौतीहरुलाई प्रचलित
तौरतरिकाभन्दा भिन्नै नौलो अवधारणा अनुरुप संबोधन गरिने कुरा परिलक्ष्यित हुनुपर्नेछ । विद्यमान
प्रयासहरुमा विस्तार गर्ने उद्देश्य राख्ने प्रस्तावहरु प्रतियोगितामा सामेल हुनसक्ने भए पनि प्रस्तावित
परियोजनाको प्रारुप वा कार्यान्वयनका तरिका विद्यमान वा चालु परियोजनाको भन्दा मौलिक रुपमा
नै नौलो हुनुपर्नेछ ।
सहकार्य
प्रस्तावित परियोजनाले सहकार्यलाई स्थापित गर्न सघाउ पुर्याउनु पर्नेछ । यसको अर्थ प्रस्तावित
परियोजनामा सरकारका निकायहरु, स्थानीय निकाय तथा नगरपालिकाहरु, सामुदायिक
समुहहरु, दाताहरु, शैक्षिक/प्राज्ञिक प्रतिष्ठानहरु, निजी क्षेत्र र नागरिक समाजस“ग सम्बद्ध संगठन
जस्ता विभिन्न संघसंस्था वा हिस्सेदारहरुलाई अनिवार्य रुपमा साझेदारका रुपमा संलग्न गराइनु
पर्नेछ ।
स्थायित्व
पुरस्कार स्वरुप प्राप्त अनुदान रकम प्राप्त हुन छोडेपछि परियोजनाको संचालन निरन्तर रुपमा जारी
राखी कसरी त्यसबाट उपलव्धी हासील भइरहने हो सो कुरा प्रस्तावमाखुल्नु पर्नेछ ।
अनुकरणीय हुनुपर्ने
प्रस्तावित परियोजनाहरुलाई देशका अन्य भागहरुमा अनुकरण गरी अपनाउन सकिने विशेषता हुनुपर्नेछ । समान किसिमको अवस्था रहेका ठाउ“हरुमा परियोजना सम्बन्धी उपायहरुलाई अन्य
संघसंगठनहरुले चाहेमा कार्यान्वयन गर्नसक्ने खालको हुनु अनिवार्य छ ।
प्रभावकारिता
प्रस्तावित परियोजनाले १२ महिनाको अवधिभित्रै लक्ष्यितवर्गलाई भौतिक लाभ पुर्याउन सक्ने क्षमता देखाउन सक्नुपर्नेछ । यस्तो परियोजना महत्वाकांक्षी देखिए पनि उपलव्ध रकम तथा
कार्यान्वयनको छोटो समयावधिलाई दृष्टिगत राखी वास्तविकतामा आधारित हुनुपर्नेछ ।
मितव्ययिता
परियोजनामा उपलव्ध अनुदानलाई प्रभावकारी तरिकाले उपयोगगर्ने उपायहरु प्रस्तावित गरिनुका साथै परियोजनाको प्रक्ष्येपित प्रतिफल पुरस्कारस्वरुप प्राप्त हुने अनुदान रकमको आकार अनुरुपको हुनुपर्नेछ।
|
|
विस्तृत जानकारीको लागि:
सार्वजनिक सूचना केन्द्र
विश्व बैंक, नेपाल
पो.ब.नं. ७९८
हेरिटेज प्लाजा-१
कमलादी, काठमाडौं, नेपाल
फोनः ०१ ४२६८१९५, फ्याक्सः ०१ ४२४९७३१
ईमेलः pic@biswabank.org.np
|
